३१ वर्षे मेस्सी लामो समय पछि राष्ट्रिय टोलीमा फर्किए

6

रसियामा सम्पन्न विश्वकप पछि अर्जेन्टिनाको राष्ट्रिय फुटबल टोली बाहिर रहेका कप्तान लियोनल मेस्सी पहिलो पटक राष्ट्रिय टोलीमा फर्किएका छन् । ३१ वर्षे मेस्सी विश्वकपको क्वाटरफाइनलमा फ्रान्ससँग पराजित भएपछि विश्वकप बाट बारिएको अर्जेन्टिनाको टोलीबाट लामो समय बाहिर रहेका थिए।

मेस्सी यसै महिना हुने भेनेजुयला र मोरक्को सँग अर्जेन्टिनाले खेल्ने मैत्रिपूर्ण खेलको प्रारम्भिक टोलीमा परेका छन्। मेस्सीसँगै फ्रान्सेली क्लब पेरिस सेन्ट जर्मनका मिडफिल्डर एन्जेल डि मारिया पनि विश्वकप पछि पहिलो पटक टोलीमा फर्किका छन् ।

अर्जेन्टिनाका प्रशिक्षक लियोनल स्कालोनिको ३१ सदस्यीय टोलीमा चार प्रिमियर लिग क्लबका खेलाडी लाई समेत समेटेका छन् । जसमा म्यानचेस्टर सिटीका निकोलास ओटामेन्डी, टोटनह्यामका युहान फोयथ, वाट्फोर्डका रोर्वेटो पेरेयार र वेष्टहामका म्यानुएल लान्जिनी रहेका छन्। टोटनह्यामका विङ्गर इरिक लामेला र गोलकिपर पाउलो गजान्गा भने टिममा अटाउन सकेनन्।

अर्जेन्टिनाका सर्वकालीन कीर्तिमानधारी मेस्सीले खेलेका १ सय २८ खेलमा ६५ गोल गरेका छन्। मेसीले यसअद्धि कोपा अमेरिकाको फाइनालमा चिली सँग पराजित भएपछि राष्ट्रिय टोलीबाट सन्यासको घोषणा गरेक थिए। पछि पुनः उनले आफ्नो सन्यास फिर्ता लिए पनि लामो समय राष्ट्रिय टोलीबाट नखेल्दा मेस्सीले सन्यास लिन सक्ने आकलन गरिरहँदा उनी टोलीमा फर्किने समाचार आएको हो।

बार्सिलोनाका सर्वकालीन मेस्सी लामो समयदेखि स्पेनमै बस्दै आएका छन् । यसै विषयमा बोल्दै मेसीले केही समय अगाडि आफ्नो परिवार नै स्पेनमा रहेकाले अर्जेन्टिना जान आउनै समस्या हुने संकेत गरेका थिए ।

LEAVE A REPLY

Please enter your comment!
Please enter your name here